မြန်မာနိုင်ငံမှ လူငယ်များအနေဖြင့် စရိတ်စကအနည်းဆုံးဖြင့် ပြည်ပနိုင်ငံများတွင် ပညာသင်ကြားနိုင်ရန်၊ သက်ဆိုင်ရာအစိုးရအသီးသီးက တရားဝင် အသိအမှတ်ပြုထားသော စစ်မှန်သည့် တက္ကသိုလ်များကို မှန်ကန်စွာရွေးချယ်နိုင်စေရန်၊ အဆင့်မြင့်ပညာရေးလမ်းကြောင်းသစ်များ ဖော်ထုတ်ပေးနိုင်ရန် ရည်ရွယ် ၍ Nyarna Empowers Co. Ltd (ဉာဏစွမ်းပကား ကုမ္ပဏီလီမိတက်) ၏ “ပညာရေးအတိုင်ပင်ခံလုပ်ငန်း” ကို တည်ထောင်ခဲ့ပါသည်။ ကျွန်ုပ်တို့၏ အကြံပေးအဖွဲ့တွင် မြန်မာနိုင်ငံမှ လူငယ်ထုအား ပိုမိုကောင်းမွန်သော ပညာရေးလမ်းကြောင်းများချမှတ်ပေးရန် စိတ်အားထက် သန်ကြသော နိုင်ငံအသီးသီးမှ တတ်သိပညာရှင်မိတ်ဆွေ များဖြင့် စုဖွဲ့ထားရှိကာ အကြံဉာဏ်ကောင်းများ ဖြင့် ဝန်ဆောင်မှုပေးလျက်ရှိပါသည်။

ဉာဏစွမ်းပကားသည် ထိုင်းနိုင်ငံ၊ ချင်းမိုင်မြို့ရှိ အစိုးရအသိအမှတ်ပြု ပုဂ္ဂလိကတက္ကသိုလ် ဖြစ်သည့် မြောက်ပိုင်းချင်းမိုင်တက္ကသိုလ် (North-Chiang Mai University) နှင့် ၂၀၂၄ ခုနှစ်တွင် သဘောတူစာချွန်လွှာ - MoU လက်မှတ်ရေးထိုးခဲ့ပြီး မြောက်ပိုင်းချင်းမိုင်တက္ကသိုလ်၏ တရားဝင် မြန်မာပြည်ဌာနေကိုယ်စားလှယ်ရုံး အဖြစ် ရန်ကုန်မြို့တွင် အခြေစိုက်ဖွင့်လှစ်လျက်ရှိပါသည်။

၂၀၂၄ခုနှစ်၊ စက်တင်ဘာလတွင် မလေးရှားနိုင်ငံ၊ ကွာလာလမ်ပူမြို့ရှိ YPC International College ( in collaboration with Liverpool John Moores University- UK) နှင့် သဘောတူစာချွန်လွှာ - MoU လက်မှတ်ရေးထိုးခဲ့ပြီး တရားဝင်ကိုယ်စားလှယ်အဖြစ် ရပ်တည်လျက် ရှိပါသည်။